صورة للشيخ قاسي بن محمد حفيظ البرازي السهلي رحمه الله، الذي اشتهر بكرمه وطيبته ورحمته ووقفاته المشهودة مع الأقارب والأصدقاء، وقد ذُكر في قصيدة للشاعر عبدالله بن نقاء العتيبي، حيث قال:
ياهيه يالي عندك الطير جوعان ، بلاك ربك فيه وانت ابتليته
اشغلك واشتغلته على غير برهان ، مايهتويك الطير وانت اهتويته
نوب عشان من القصاصيب قصبان ، نوبِ دجاج ونوب نمت ونسيته
وده لابوفيصل يعشيه خرفان ، تراك بالفيران هدمت بيته
شل الوكر والطير في بيت هدلان ، في بيت حلالٍ النشب لانصيته
في بيت (قاسي) يصبح الطير شبعان ، ذباح كاسرة العمد لا لفيته
حتى يبين الطير لطيور حوران ، ليته في مجلس راعي الجود ليته
ويشيع ذكره بين حضرٍ وبدوان ، عند ( الحفيظ ) الطير يفرح في بيته
قوم لهم في ساحة المجد عنوان ، طيب الجدود اهل الحظوظ البخيته
ولا انت شانك شان والطير له شان ، لو ماعرفت اسمه خطير شويته
مسكين ياحر مع الوكر حران ، تحت الدرج مكتوم مابان صيته ..
