اقلط على شلفا ولي العهد ياسيف السهول – مدغم ابو شيبه

قصيدة مهداة الى ثامر فهد الثامر السهلي بمناسبة مشاركتة في مهرجان الملك عبدالعزيز للإبل 8 للشاعر مدغم ابو شيبه

اقلط على شلفا ولي العهد ياسيف السهول
والهجن ماتجحد عصاها اللي مابين جنوبها
وقفت يا ثامر وقوف الزحل قدام الزحول
ربعك تلفت صوب وجهك وانت وجهك صوبها
يمكن مجيك خفف الزحمه على باب الدخول
اهل الذنوب من امس والبارح تعد اذنوبها
اللي رياله غالي عنده يشارك بالرحول
ويدفها منا ومنا لين تمشي دوبها
احرقت غال المال واشتلت الثقال من الحمول
مير الخسارة ربح لامن جات في ماجوبها
انا اعرف لك ناس في ذات القناعة والقبول
ترتاح لامنها خلت مرحانها وجيوبها
حولت وعيونك شرار ونار ولسانك يقول
اللي ماهو قد المهمه لايجي في ثوبها
باللي تخلي نخبة النخبة تعود للسمول
نومستنا قدام حكام الدول  وشعويها
عشرين شلفا تدبس الصيهد على راس الزعول
عقلا تقول ان القفيز مطبق عرقوبها
وبن ضبيب يحط ب أفوام الرياجيل القفول
يعرف تدير المعركه باسلوب مثل اسلويها
صلف يدل دروب صلفات المواقف والفعول
الا الحيالة والضعافه ما يدل دروبها
سنيت لك في الشعل سنه ماهي بسنة رسول
كم فرحة منهم قريبه مير ما فرحوا بها
من الرها والزين والتركيب واسرار الفحول
بانت عليهم شمس بكره مالقوا عذروبها
ماقدمك الا درب جدانك متعبت الخيول
اللي يغير الذيب معها كل ماغاروا بها
ولا غرابه يوم نار سبيع مع نار السهول
بين الحفر ورمساح شبت والهبوب اتلوبها


شارك:
عرض التعليقات (0)

اترك تعليقاً