افزع معه فزعة سبيعي لسهلي – مدغم ابو شيبه

البارحـه معطـيـنـي الـفجـر انـحـره
وانـا عـلـي مـن الـلـيـالـي مـاعـلـي

سمعـني القمـري علـى غصـن شجـره
صـوتـن شـربني من علـوي لاسفلـي

تـدافعت مـشـاعـري عـلـى ثـــره
غنى على الخالي وانـا مانـي خلـي

باقي معي من وسعة الصدر شعره
والنار تصلانـي علـى كبـدي صلـي

واليا ذكـرت الـعـفـو عـنـد الـمقـدره
تحامـلـت نفـسـي عـلـى كـبـر زعـلـي

لازال فـي الـدنـيا مـساحـه وسـفـره
المـبـتـلا في غـيـر ديـنـه مـابـلـي

درسـن عطانيـه الـزمـن مــن دفـتـره
خـلا مـزاجي فـي التـعـامـل مـايـلـي

مالـي ومـال النـاس مـن حـب وكـره
مـحـدن بـداخل جـنـة الله بـعـمـلـي

الـطـيـب اخـاويـه لـوطـال ســفـره
واشيـل حملـه فـوقـي وفــوق جمـلـي

وافتــك وجـه مثل ما افـــتك اظهره 
وافزع معـه فزعـة سبيـعي لسـهلي

والـخـبل لـوجـامـلت رايــه ونــظـره
لاثـر عـلـى رزقـي ولامستـقـبـلـي

وان شفت في خشمـه نعافـه ونعـره
حذفتـه بجلمـود صخـرن مـن عـلـي

تـجـمـهـروا يـالعـالـم المتـجـمهره
واردوا عـلـى رســن يغـيـب ويمتـلـي

لاحدن يصدق صورته في المنظره
القرد مالـه فـي عـيون امـه حـلي

لـو يقـلط الطـيب عـلى ولـد الـمـره
مـاعـيـن الـدلـه ولاراس الـطـلــي

انــا هـنـا وتـفـوح ريـح الـعـنـبـره
بـحـرن مايـغـرف بالحـبـال وبالـدلـي

ادور الـلــي يـرفـع الـــراس دوره
مانيـب شـراي الرخيـص اليـا غـلـي

عن قطة الكشتـات خمسـه وعشـره
تعوضنـي وقفـة عزيـزن مـن هـلـي

انـدى مـن كـفـوف البخـيـل المقـبـره
تستـقـبل الـمـوتـى وعـيـت تـمـتـلـي

شارك:
عرض التعليقات (0)

اترك تعليقاً